"Муборак газни қайта ишлаш заводи" МЧЖ

"ЎзНГҚЧ" АК
"Ўзбекнефтгаз" МХК

 МУБОРАК ГҚИЗМУБОРАК ГҚИЗ 

 МАСЪУЛИЯТИ ЧЕКЛАНГАН ЖАМИЯТИМАСЪУЛИЯТИ ЧЕКЛАНГАН ЖАМИЯТИ 

Ўзбекча
Русский
 0 (375) 672 50 07
    mgpz@mgpz.uz

Давлат рамзлари
Давлат рамзлари
Чоп этиш
Сайт харитаси
Фотогалерея
Созлаш
Экология
Вакансия
Перейти к контенту

Главное меню:

   Муборак газни қайта ишлаш заводи мамлакатимиз фахри, иқтисодиётимизнинг асосидир.
                    И. А. Каримов
ЯНГИЛИКЛАР ва МАҚОЛАЛАР

Одам савдоси - инсон эркинлигига таҳдид

Бугунги кунга келиб xалқаро тeрроризм, наркотрафик ва одам савдоси сингари трансмиллий жиноятларнинг инсон хавфсизлигига хуруж қилаётгани боис, улардан жабр чекаётганлар афсуски кўпчиликни ташкил этаётир. Ҳудуд ва чeгара билмайдиган бу жиноятларнинг ҳар бири жамият тараққиёти ва давлатлар ривожига жиддий xавф туғдирмоқда. Улар орасида айниқса, одам савдосидек оғир жиноят инсон ҳаёти, эркинлиги ва ҳуқуқларини поймол қилиб, унинг эрки, тақдири ва келажагини оёқ ости қилиши билан нақадар жирканч кўринишга эга эканлигини алоҳида таъкидлаш лозим. Инсон тирик мавжудотлар орасида ақл-идрок берилган онгли мавжудот бўлиб, у ўтган замонларда ҳам озод ва эркин яшашга ҳаракат қилган. Уни эркидан маҳрум қилишга ҳеч кимнинг ҳаққи йўқлиги дунё ҳамжамияти томонидан тасдиқланган қонунларда ҳам белгилаб қўйилган. Бироқ, бугунги кунда дунё бўйлаб одам савдосидек ўта хавфли иллатнинг кенг тарқалиши инсон шахси, шаъни, қадр-қиммати, шахсий ҳуқуқ ва эркинликларига жиддий таҳдид туғдирмоқда. Бу билан боғлиқ жиноятлар жаҳон жамоатчилигини жиддий ташвиш ва хавотирга солаётгани айни ҳақиқат. Кейинги йилларда одам савдоси туфайли юзага келаётган глобал хавф қанчалик ортиб бораётган бўлса, бу жиноятга қарши курашишга қаратилган чора-тадбирлар кўлами ҳам шунчалик кенгаймоқда. Одам савдосига қарши курашиш тарихига назар ташлайдиган бўлсак, XIX аср охири ва XX аср бошларида аёлларнинг Европадан Америка ва Шимолий Африка қитъаларига кенг кўламли миграцияси ҳамда аёлларни Европага сотиш ҳодисаси кузатилган. Бу ҳодисага барҳам бериш мақсадида Парижда 1902 ва 1910 йилларда иккита конференция ўтказилиб, "Оқ қуллар савдосига қарши кураш" номли бутунжаҳон Конвенцияси қабул қилинган. Кейинроқ ушбу конвенция "Аёллар ва болалар савдосини йўқотиш" ва "Вояга етган аёллар савдосини йўқотиш" номли бутунжаҳон Конвенциялари билан тўлдирилган. Одам савдоси муаммосига қарши курашишнинг кейинги тарихий жараёнлари секин-аста ривожланиб, 1948 йилда "Инсон ҳуқуқлари" умумжаҳон Декларацияси қабул қилинган. Шундан сўнг "Инсон ҳуқуқларининг Европа Конвенцияси", "Қуллик хусусида"ги Конвенция, "Қулликни йўқотиш амалиёти тўғрисида"ги қўшимча Конвенция, "Бола ҳуқуқлари тўғрисида"ги Конвенция, "Аёлларга қарши дискриминациянинг ҳар қандай кўринишларига қарши тўғрисида"ги Конвенциялар қабул қилиниб, дунёнинг кўплаб мамлакатларида қўлланила бошланди. Айни пайтда трансмиллий уюшган жиноятчиликнинг узвий таркибий қисми бўлган бу турдаги жиноят дунё миқёсида кенг тарқалмоқда. БМТ ва Миграция бўйича халқаро ташкилот мутахассисларининг таҳлилий хулосаларига кўра, ундан жабр кўрганлар сони бир неча миллионларни ташкил қилмоқда. Ташвишланарлиси, одам савдоси жиноятидан жабрланганларнинг асосий қисмини аёллар ва болалар ташкил қилмоқда. Бугунги кунда долзарб масалалардан бири бўлган одам савдосининг олдини олиш ва унга қарши курашиш борасида юртимизда ҳам қатор чора-тадбирлар амалга оширилиб келиняпти. Шу билан бирга, одам савдоси трансмиллий, яъни ҳудуд ва чегара танламайдиган жиноят эканлиги ҳисобга олиниб, давлатимиз 2003 йил 12 декабрда БМТ Бош Ассамблеяси томонидан 1950 йилда қабул қилинган "Одам савдоси ва фоҳишаликнинг учинчи шахслар томонидан ишлатилишига қарши кураш тўғрисида"ги Конвенцияга қўшилди. Бирлашган Миллатлар Ташкилоти Бош Ассамблеясининг 2000 йил 15 ноябрьдаги резолюцияси билан қабул қилинган "Трансмиллий уюшган жиноятчиликка қарши кураш тўғрисида"ги Конвенция, шунингдек, одам савдоси, айниқса, аёллар ва болаларни сотишнинг олдини олиш, унга чек қўйиш ва бунинг учун жазолаш тўғрисидаги қўшимча протокол ҳам ратификация қилинди. Шунингдек, мустақиллик йилларида хорижий давлатлар билан уюшган жиноятчилик, шу жумладан, одам савдосининг хавфли кўринишларига қарши кураш ҳақида бир қатор шартнома ва келишувлар имзоланди. Ўзбекистон Республикасининг 2008 йилнинг 17 апрельдаги "Одам савдосига қарши курашиш тўғрисида"ги Қонуни ва Узбекистон Республикасининг биринчи Президентининг 2008 йил 8 июльдаги "Одам савдосига қарши курашиш самарадорлигини ошириш чора-тадбирлари тўғрисида"ги Қарори мамлакатимизда одам савдоси жиноятига қарши курашишнинг миллий қонунчилик асосларини яратиб берди. Бундан ташқари, одам савдосига қарши курашиш, бундай жиноят қурбонларини ижтимоий ҳимоялаш тадбирлари комплекс характерга эга эканлиги инобатга олиниб, давлат органлари, фуқароларнинг ўзини-ўзи бошқариш органлари ва нодавлат нотижорат ташкилотларининг бу борадаги фаолиятини мувофиқлаштириш мақсадида одам савдосига қарши курашиш бўйича Республика Идоралараро комиссияси тузилди ва ҳозирги кунда комиссия томонидан одам савдоси ҳолатларининг олдини олиш, аниқлаш ва уларга чек қўйиш, унинг оқибатларини минималлаштириш ҳамда одам савдосидан жабрланганларга ёрдам кўрсатишга қаратилган бир қатор ташкилий ва профилактик тадбирлар ўтказилиб келинаяпти. Қолаверса, ҳуқуқни муҳофаза қилувчи органларнинг одам савдосига қарши курашиш масалаларида маҳаллий давлат ҳокимияти органлари, тиббиёт ва таълим муассасалари, нодавлат нотижорат ташкилотлари ва кенг жамоатчилик билан яқиндан ҳамкорлиги таъминланмоқда. Бугун юртимизда амалга оширилаётган барча йўналишдаги ислоҳотларнинг марказида инсон турибди. Ислоҳот ислоҳот учун эмас, инсон манфаатлари учун, қабилидаги иборанинг амалиётга тадбиқ этилгани ҳам бежиз эмас. Xулоса тариқасида айтганда, одам савдосининг ҳар қандай кўринишига қарши курашиш xалқаро ва минтақавий даражада жиддий ёндашув ҳамда ўзаро ҳамкорликни талаб этади. Зeро, одам савдоси, унинг ҳуқуқ ва эркинликларини ғайриқонуний равишда айнан инсон томонидан камситилиши кeчириб бўлмас жиноятдир.


Терроризм ҳамда диний екстремизм ёшлар ҳаётига таҳдид

Маълумки, ёшлар мамлакатимизнинг эртанги куни яъни тараққиёти учун улкан ҳисса қўшадилар. Бугунги кун ёшлари эртанги кунимиз гаровидир. Зеро, мамлакатимизда ёшларимиз илм олишлари учун улкан имкониятлар яратилган. Мамлакатимиз ёшлари тинч, осойишта юртимизда кенг, ёруғ ва қулай шарт-шароитларга ега ўқув муассаларида илм олмоқдалар. Гулларга бурканган гўзал ва обод кўчаларимизда бемалол сайрга чиқмоқдалар, тинчлик нашидаси уфуриб турган ҳавомиздан ҳотиржам нафас олмоқдалар. Лекин минг афсуски гуруч курмаксиз бўлмагани каби терроризм, диний екстремизм балоси бугунги кун ёшлари ҳаётига улкан ҳавф солмоқда. Барчани ташвишга солиб келаётган терроризм, диний екстремизм ўзи нима? У ёшларимиз ҳаётига қандай кириб келмоқда? Терроризм атамаси лотинча «террор» сўзидан олинган бўлиб қўрқинч, дахшат деб таржима қилинади. Терроризм-бу сиёсий рақибларни, муҳолифларни ё_қотиш ёки қўрқитиш, аҳоли ўртасида ваҳима ва тартибсизликлар келтириб чиқариш мақсадидаги зўравонлик ҳаракатларидир. Терроризм ўрта асрлардан бошлаб барча минтақа ва мамлакатларда учраб турган. Лекин ўтган асрнинг охирларидан унинг янги кўринишлари вужудга келди. Халқаро терроризм кенг тарқалиб, терроризм ошкора сиёсий тус ола бошлади. Террорчилар айрим мамлакатлар ҳукумати ва унга яқин тузилмалардан мадад оладиган ҳоллар юзага келди. Улар томонидан содир етилаётган жиноятларнинг ижтимоий ҳавфлилик даражаси ортди. Террорчилар қўлига ядровий, кимёвий, биологик қурол тушиб қолиши хавфи кучайди, елеcтрон террорчилик пайдо бўлди. Кўп ҳолларда терроризм диний екстремизм, наркобизнес, сепаратизм билан боғлиқлиги чатишиб кетиши кузатила бошлади. Диний екстремистик оқимларнинг жамиятимиз барқарорлигига таҳдиди республикамиздаги ижтимоий-сиёсий вазиятни беқарорлаштириб, динлараро ва миллатлараро муносабатларни кескинлаштириш, фуқароларни айниқса ёшларни қуролли тўқнашувлар рўй бераётган ҳудудларда фаолият юритаётган террористик гуруҳларга жалб қилиш каби ҳаракатларда, шунингдек мамлакатимизда террорчилик ҳаракатлари содир етиш учун суқилиб киришга уринишларда намоён бўлмоқда. Айниқса, коммуникация ҳамда информацион технологияларнинг жадал ривожланиши оқибатида айрим маънавий бўшлиқ ҳосил қилган ёшларимиз онгига ғоявий таъсир ўтказишга кенг имкониятлар ешигини очмоқда. Ғоявий таъсир доирасига тушиб қолган ёшларимиз, ҳаттоки ўз юртига қурол ўқталишдан ҳам қайтишмаяпти. Маълумотларга кўра, бугун дунёда 500га яқин террорчилик ташкилотлари фаолият кўрсатмоқда. Уларнинг 80 фоизи ислом ниқоби остида фаолият юритади.Улар қаторига “Ислом давлати” (Ироқ ва Шом ислом давлати), Жабҳа ан-Нусра”, “Ансару аш-Шам” (Сурия), “ал-Қоида”, “ал-Жиҳод ал-Исломий”, “ат-Такфирва-л-Ҳижра” (Миср), “Абу Сайяф” (Филиппин), “ОзодАчех”, “Лашкари жиҳод” (Индонезия), “Қуролли исломий ҳаракат”(Жазоир),”Бокоҳарам” (Нигерия), “Ислом жиҳоди уюшмаси”, ”Ўзбекистон исломий ҳаракати”, “Толибон” (Афғонистон, Покистон) каби ташкилотларни киритиш мумкин. Сиёсий ҳокимиятга интилаётган, диний шиорларни ниқоб қилиб олган ақидапараст оқимлар Марказий Осиё мамлакатлари, хусусан, Ўзбекистондаги ижтимоий-сиёсий вазиятга салбий таъсир ўтказишга ҳаракат қилмоқда. Сўнгги йилларда “жиҳодчилар”, сохта “салафийлар” каби диний сиёсий гуруҳлар, шунингдек “ҳизб ут-таҳрир” диний екстремистик гуруҳи республикамизда фаол ҳаракат қилишга уринмоқдалар. Охирги пайтларда ушбу оқимлар ёшлар онгига таъсир қилиш фаолиятини кенгайтиришни айниқса хорижий мамлакатлардаги меҳнат мигрантларини таъсир доирасига олмоқда. Шунингдек, интернет орқали тарғибот ўтказиш, оила аъзолари, яқинлари, қўшниларини ўз гуруҳига тортиш, яширин ҳужралар ташкил етиш, диний екстремистик мазмундаги материалларни босма ва елеcтрон кўринишида тарқатиш каби усулларда ўзларини жирканч террористик ҳаракатларини амалга ошириб халқимизнинг содда, ҳали ота-онаси, оиласи меҳрига тўймаган ёшларимизни онгини заҳарлаб ўзга юртларда саргардон бўлишга мажбур етишмоқда. Мутахассисларнинг фикрича ҳозирда 100 мингдан зиёд екстремизмнинг турли кўринишларини ўзида ташувчи ғоялар тарғиботи билан шуғулланувчи сайтлар фаолият олиб бормоқда. Интернет орқали суҳбат олиб бориш жараёнида ёшларга куфр диёри, ҳижрат, жиҳод, шаҳидлик, ҳалифаликни тиклаш каби ғоялар сингдирилиб улар турли тўқнашув ва низо ўчоқларига жалб қилинмоқда. Афсуски, бизнинг юртимиздан ҳам айрим ёшлар Сурия, Ироқ каби юртларда диний екстремистик оқимга аъзо ақидапарастлар домига тушиб кетиб қолмоқдалар. Энг дахшатлиси улар ўз юртига, ота-онасига ўз ватандошларига қурол ўқталиб ватанфурушлик қилмоқдалар. Маълумки, Ўзбекистон Республикасида “Терроризмга қарши кураш тўғрида”ги 2000-йил 15-декабрда махсус қонун қабул қилинган. Ушбу қонунда кўплаб масалалар ҳуқуқий асослаб берилган. Шунингдек Ўзбекистон БМТнинг терроризмнинг олдини олиш ва унга қарши курашга қаратилган асосий 13 та ҳужжатини ратификация қилган. БМТ Хавфсизлиги кенгаши Аксилтеррористик қўмитаси томонидан Ўзбекистоннинг терроризмга қарши курашдаги халқаро ҳамкорлиги юксак баҳоланди. Шанхай ҳамкорлик ташкилоти фаолиятида “учёвузкуч”, яъни “террорчилик”, “айирмачилик” (Сепаратизм) ва “екстремизм”га қарши курашда ҳамкорликни ривожлантириш алоҳида ўрин тутади. 2004-йилдан бери ШҲТнинг Минтақавий аксилтеррор тузилмаси фаолият юритмоқда. Айниқса, Ўзбекистон АҚСҲ, Россия, Хитой, Марказий Осиё Республикалари каби қатор мамлакатлар билан халқаро терроризмга қарши курашда самарали ҳамкорликка еришмоқда. Мамлакатимиз Президенти Шавкат Миромонович Мирзиёйев Олий Мажлисга Мурожаатномасидаги нутқларида таъкидлаганларидек: “Қадимий маданият сивилизациялар чорраҳаси бўлган юртимиз заминидан Ўрта асрларда минглаб олиму-уламолар, буюк мутафаккир шоирлар азиз авлиёлар йетишиб чиққан. Уларнинг аниқ фанлар ва диний илмлар соҳасида қолдирган бебаҳо мероси, бутун инсоният маънавий мулки ҳисобланади. ….Ана шундай бебаҳо бойликка, минглаб билимдон уламолар, фаол зиёлиларга ега бўлган, бу соҳада катта ташаббуслар билан чиқаётган халқ ва давлат сифатида юртимиздан қандайдир ақидапараст, диний оқимларга берилган кимсаларнинг чиқиши бизга ярашмайди”. Дарҳақиқат, биз буюк ўтмишига ега халқмиз, келажагимиз ҳам албатта буюк бўлиши керак. Бунинг учун муҳтарам президентимиз таъкидлаганларидек ота-боболаримиз бизга қолдириб кетган мўтабар китобларни ўрганишимиз мақсадида мамлакатимиз маънавий ҳаётида кўплаб лойиҳалар амалга оширилмоқда. Диний екстремизм ва терроризм ёшлар ҳаётига таҳдид солар екан биз ёшларимизни бўш вақтларини самарали ўтказишлари учун барчамиз масъулдирмиз зеро, КУЧ БИРЛИКДАДИР!


Диний экстримизм ва унга қарши кураш

Ислом динини никоб килиб, одамларни бир-бирига карши куйиб кон тукишни ташкил килаётган, амалда узини хузур халоватини уйлаётган кимсаларни Европада фундаменталистлар, Марказий Осиёда акидапарастлар ёки экстремистлар деб атайдилар. Экстремист лотинча суз булиб «ута» деган маънони, яъни ижтимоий сиёсий характердаги муаммоларни хал этишда, ута кескин чора-тадбирлар, фикр карашларни ёкловчи назария ва амалиётни англатади. Экстремизм мазмунига кура диний ва дунёвий, намоён булишига кура, худудий, минтакавий ва халкаро шаклларга булинади. Экстремистик карашлар жуда чукур илдизларга эга булиб, хеч качон чегара билмаган, дин, миллат, худудни тан олмаган. Экстремизмнинг сиёсий иктисодий ва мафкуравий куринишлари мавжуд булгани холда, у барча динлар доирасида ривожланган. Диний экстремизм ислом оламида хам кенг таркалган, диний экстремистлар каерда фаолият курсатмасин, асосий максади диний давлатни барпо этиш булиб, бу максадга узаро низолар, куролли тукнашувлар оркали, яна кон тукиш ва зуровонлик билан эришишни кузлайдилар. Бу эса мустакилликка хам, жамият тараккиётига хам катта гов булади. Экстремистик гурухларнинг ягона максади хокимиятни кулга киритиш булиб, бу йулда улар энг жирканч усуллардан фойдаланадилар. Экстремизм хавфи хакида тухталиб, Биринчи Президентимиз И.А.Каримов куйидагиларни таъкидлаганлар «Аслини олганда хавфсизликка солинаётган тахдидлар анча сер кирра, улар сиёсий экстремизм, шу жумладан диний рухдаги экстремизмни, миллатчиликни, этник миллатлараро махаллийчилик ва уруг аймокчилик асосидаги бидъатларни, коррупция ва жиноятчиликни, экология муаммоларини уз ичига олади». Мафкуравий нуктаи назардан экстремизм хар кандай бошкача фикрларни инкор этади, узининг мафкуравий ва диний карашларини купол равишда мажбурлаб, кабул эттиришга харакат килади. Уз мухолифларини турли воситалар билан мажбурлайди. Экстремистлар уз тарафдорларидан уларнинг хар бир буйрукларини сузсиз бажаришни уларга кур-курона ишонишни талаб килади, уз карашларини химоя килар эканлар, улар аклга эмас, хис туйгуларга суянадилар, баъзан омманинг туданинг инстинктига суянадилар. Хозирги кунга келиб, диний экстремистик окимлар ва террористик гурухларлар уз сафларини кенгайтириш максадида турли усулларни кулламокдалар. Жумладан, улар купинча хали мафкуравий жихатдан тулик шаклланмаган ёшларга диний таълим бериш никоби остида, хар-хил алдов йуллари билан узларининг купорувчилик гояларини сингдириб, кейинчалик давлатимизда нотинч вазиятни юзага келтириш оркали, узларининг диний давлат куришга булган уринишларини амалга оширишда фойдаланишга харакат килиб келмокдалар. Юкорида баён килинган фикрлардан хулоса килиш мумкинки экстермизм, акидапарастлик, фанатизм, терроризм гарчи тарихий келиб чикиши ва бошка жузъий жихатлари билан бир-биридан фарк килсада, лекин бир-бирини тулдириб келган. Диний фундаментализм ва экстремизм мавжуд экан, терроризм хавфи ва тахдиди хамма вакт сакланиб колади. Зеро терроризм узининг гоявий ва мафкуравий озигини улардан олади ва уларга таянади. Диний фундаментализм ва экстремизм асосида вужудга келиб, террорчилик усулларини куллаётган ислом никобидаги турли ташкилотлар ва харакатларга карши самарали мафкуравий кураш олиб боришда, уларнинг гайриинсоний мохиятини англаб етиш мухим ахамият касб этади. Халкимиз, айникса ёшларимиз онгига тахдид солишга харакат килаётган мазкур окимларнинг таъсирига тушиб колмаслик учун маънавий салохиятимиз етук булиши, хар биримиз доимо огох булишимиз, юрт тинчлиги, халк фаровонлиги йулида уз хиссамизни кушишимиз лозим.


Ҳаётга муҳаббат
Хаётга мухаббат, мехнат ва тинчлик, меҳр мурувват ва қут барака байрами бўлган Наврўзи олам азалдан халкимизнинг энг севимли байрами бўлиб келган.
Опубликовано - 28/3/2018 08:27:00
БУЮК ДАВЛАТ АРБОБИ
Мустақил давлатимиз асосчиси Ўзбекистонни юксак тараққиет йулига олиб чиққан буюк давлат арбоби, жонажон Ватанимизни севиш ва кадрлашни ўргатган инсон Ислом Абдуғаниевич Каримов таваллудининг 80 йиллиги Муборак газни қайта ишлаш заводи мчж хам кенг нишоланди.
Опубликовано - 1/2/2018 16:38:00
ДИНИЙ ЭКСТРЕМИЗМ ТАҲДИДИ
Диний экстремизм тушунчаси. Жамият учун анъанавий бўлган диний қадриятлар ва ақидаларни рад этиш, уларга зид бўлган ғояларни алдов ва зўрлик билан тарғиб қилишга асосланган назария ва амалиётни англатади. шу билан боғлиқ сўзлар маъноси қуйидагилардан иборат:
Опубликовано - 23/1/2018 11:18:00
Ташаккур сизга Юртбошим!
2008 йилда ўғлим Чориев Русланжоннинг туғилганида қанчалар қувонган эдик, унинг ўсгани сайин чаққон харакатлари, ширин қиликларидан завқланар эдик… Афсуски 6 (олти) ойлик бўлганида бир иситмаладию оёқчалари фалажланиб қолди. Кўрсатмаган шифокоримиз, бормаган жойимиз қолмади. Шу кунларда қанчалар истиробга тушганимизни ифодалай олмайман. Болагинамнинг
Опубликовано - 23/1/2018 09:41:00
Янги йил қувончлари
Янги йил байрами шукуҳи кезаётган шаҳар қишлоқларимизда ва хонадонларимизда хотиржамлик, кўтаринки кайфият сезилмоқда. Яратганга шукурки қайси бир хонадонга борманг дастурхонлар тўкин-сочин, қалбларда шодлик мужассам.
Опубликовано - 11/1/2018 08:03:00
Гиёхвандик аср вабоси. Хаёт гузаллигига рахна солувчи иллат.
Инсон умрини окар сувга киёслайдилар. Ана шу хаёт гузаллигидан завк олиш, оила аъзолари, якин кариндошлари, дустлари мехридан бахраманд булиш учун яшаш имкони одамга бир марта берилади. Утган вактни оркасига кайтариб булмаслигини эса хаммамиз яхши биламиз.
Опубликовано - 9/1/2018 15:29:00
"МГҚИЗ" МЧЖ виртуал қабулхонаси


"Муборак ГҚИЗ" МЧЖ виртуал қабулхонасига бугунги кунга қадар келиб тушган мурожаатлар сони:
156

Шундан, кўриб чиқилган ва ижобий хал қилинган мурожаатлар сони:
106

Шундан, кўриб чиқиш жараёнида бўлган мурожаатлар сони:
56
Ўзбекистон Рес, Қашқадарё вил,
Муборак тум, Саноат майдони.
Тел: 0 (375) 672 50 07,  (факс) 0 (375) 672 50 11
E-mail: mgpz@mgpz.uz, muborakgpz@exat.uz
© 2017 "МУБОРАК ГҚИЗ" МЧЖ  Дизайн: АКТЖЭ ва РХ
Вакансия
Экология
Созлаш
Фотогалерея
Сайт харитаси
Чоп этиш
Ўзбекистон Республикаси Ҳукумат Портали
Ягона Интерактив Давлат Хизматлари Портали
Ўзбекистон Республикаси Электрон Ҳукумати
Ишонч телефони: +998 90 428 87 50,     portal@mgpz.uz
Назад к содержимому | Назад к главному меню